ბლუზი, ტრანსი თუ ელექტრონიკა?

Uploaded with ImageShack.us

არდადეგებიც დამთავრდა, შემოდგომაც წვიმებით დაიწყო..წვიმა, წვიმა ყველგან.. შესაბამისად ღია ცის ქვეშ ივენთები ჯერ-ჯერობით არ გვეღირსება როგორც ჩანს და ისევ ძველ, კეთილ სახურავებს უნდა შევაფაროთ თავი.

დღევანდელი საღამო დიდად გაგვახარებს-თქო ვერ ვიტყვი. არც არჩევანია მაინცდამაინც მრავალფეროვანი. 

დავიწყებ პაბით Scarlet Sails, რომელიც ლესელიძეზე მდებარეობს და განსაკუთრებით პოპულარულია უცხოელებში. მახსოვს ადრე კარაოკეებს აწყობდნენ, შესაძლოა ახლაც, მაგრამ დღეს აქ ჯგუფი The Natural Born Lovers დაუკრავს. ვისაც მათთვის არც პაბში მოუსმენია და არც მაგთი კლუბში, გეტყვით, რომ ეს არის ქართულ-ამერიკული ბლუზ ბენდი და თანაც ამტკიცებენ რომ საუკეთესოები არიან. ასე რომ, 9ის ნახევრიდან შეგიძლიათ ეს თავად შეამოწმოთ.

"დივანი" ამჯერად ტრანს მუსიკის საღამოს აწყობს. 10 საათიდან Bigcrow, Avatar და  Dimmonoid გაახარებენ ტრანსის მსმენელებს, ალბათ იმიტომ რომ სხვა თითქმის არავინ აკეთებს ტრანსს თბილისში და შესაბამისად რაც არის, იმითი უნდა დავკმაყოფილდეთ (მე არ მეხება, საერთოდ არ მაინტერესებს ეს მიმდინარეობა).

მოგვიანებით უკვე 12 საათიდან კაფე-გალერეაში ლენი და ტროცკი დაუკრავენ. მაგრამ გაფრთხილებთ, სათანადო ალკოჰოლის დოზის გარეშე არ მიხვიდეთ იმიტომ, რომ გუშინ მე ამ ყველაფერს ფხიზელი თვალით ვერ ვუყურე. მიუხედავად იმისა რომ სიხას სეტები ყოველთვის ენერგიულია (გუშინ ვაკოს გარეშე დაუკრა), ვერაფერმა გადაწონა არსებული სიტუაცია და აღარც ცეკვა მინდოდა, არც ლუდი და საერთოდ თავსხმა წვიმაში სეირნობამ მომიყვანა აზრზე.

This Sunday night does not seem to offer a lot of choice in terms of quality entertainment. However, there still are few options.

Let's start with the pub - Scarlet Sails on Leselidze Street, which is usually very popular among foreigners in Tbilisi. Tonight a Georgian-American blues band - The Natural Born Lovers will perform there. They claim to be the best in this genre and actually I guess blues-lovers do like them, so you can listen to them yourself and make your decisions starting from half past eight.

"Divani" on Tabidze street is planning to make a trance party with three DJs - Bigcrow, Avatar and Dimmonoid. Can not really say that this is the best thing you will listen, but it is clear that we do not have a lot of people fond of making trance music, so the choice is not wide. Anyway, if you feel like listening to trance, join Divani from 10 p.m.

And last but not least is Cafe-Gallery, where Lenny and Trotsky will offer quite nice electronic music straight from midnight. Although the music will not disappoint you, make sure to drink some alcohol before you go. You will say thanks to me afterwards.

That's it for today. 

Cheers! 

სად წავიდეთ წვიმიან და ზარმაც შაბათ საღამოს?

 იმედია გუშინდელი პარასკევი იმდენად კარგად გაატარეთ რომ დღეს 1 ან 2 საათამდე ლოგინიდან ვერ ადექით და საერთოდაც, როცა თვალი გაახილეთ ყველაფერი ტრიალებდა და ბრუნავდა, მაგრამ თქვენ მაინც კმაყოფილებას გრძნობდით. სამწუხაროდ, მთაწმინდის პარკის ივენთები გადაიდო უამინდობის გამო. სადღაც 8 საათამდე დიდად დავეჭვდი საიდან მოიტანეს ორგანიზატორებმა რომ ღამე გაწვიმდებოდა, მაგრამ როცა მართლაც გამოკოკისპირულდა, ალბათ გულში ყველა მადლობას ვუხდიდით რომ ღია ცის ქვეშ არ ვიწუწებოდით (გაწუწვა და ტოპვა ამ ზაფხულს ბათუმშიც მეყო პირადად მე). ღამე გალერეაში გავიარე, მაგრამ მგონი მუსიკაც არ იყო, ხალხზე რომ არაფერი ვთქვა და შესაბამისად ყველაფერი კანუდოსში დასრულდა ლუდთან ერთად, სადაც ასევე არაფერი საინტერესო ხდებოდა, უბრალოდ კარგი ლუდი აქვთ.

რაც შეეხება დღევანდელ დღეს, პირველი სექტემბრის და სკოლის თემატიკა წინ წამოწია კანუდოსმა, სადაც განსაკუთრებით უყვართ თემატური საღამოები. თუ აქ აპირებთ შაბათის გატარებას, მოემზადეთ, ბევრი ბრიტნი სპირსები და ბოიზოუნები იქნება და კიდევ 80-90-იანების სხვა ნაცნობი ჰიტები. სკოლის უნიფორმით მისულებს უფასო ვოდკა შეხვდებათ, კოქტეილებზეც ფასდაკლებები იქნება, ასე რომ გართობას მოახერხებთ.

ბარ ლაბორატორიუმში ლერმონტოვზე დღეს iKost დაუკრავს. ამ დიჯეის სეტებს არ დავსწრებივარ და ვერაფერს ბევრს ვერ ვიტყვი, მაგრამ სალომე კორკოტაშვილთან ერთად რამდენჯერმე მოვუსმინე და საკმაოდ კარგი დრაივი მოდიოდა. შემდეგ უკვე საუნდქლაუდზე ვნახე მისი რემიქსები და ჩამოვუყევი სიამოვნებით, ასე რომ ღირს 8 საათიდან ბარში მისვლა.

პ.ს.: ეს მგონი ერთ-ერთი სასიამოვნო გამონაკლისია, როცა ივენთი მართლა დროულად იწყება, გუშინ შევესწარი.

11 საათიდან "დივანში" Stimmhalt გელოდებათ. გერმანური სახელი არ არის შემთხვევითი. რამდენადაც ვიცი, დათო ღვაბერიძე გერმანიაში მოღვაწეობს უმეტესწილად და თბილისში ხშირად არ უკრავს, არცერთი მოკლუბო ელემენტის რეზიდენტი არ არის და შესაბამისად ამ შანსის გამოყენება ნამდვილად ღირს.

და ბოლოს, კაფე-გალერეა კვლავ, ამჯერად სიხა და ვაკო ტ(აბატაძე) მიქშერთან. არ დავმალავ და გალერეას ყველა ივენთს ყოველთვის ყველაზე მეტი ვირტუალური დამსწრე ყავს, თუმცა გუშინ რატომღაც ამ ადამიანებმა ეტყობა ისევ ვირტუალურობა არჩიეს და დღეს იმედია მეტად ხალხმრავლობა იქნება. ბოლო-ბოლო ვაკოც არ უკრავს ხშირად თბილისში (ძირითადად ბათუმში ბინადრობს).

აქვე მინდა ავღნიშნო რომ ჩვენ უცხოელი მკითხველებიც გვყოლია, ვინც სამწუხაროდ ვერაფერსაც ვერ კითხულობენ რეალურად რამდენიმე ლათინური სიტყვის და ციფრების გარდა და შესაბამისად მთხოვეს მოკლე ინფო ინგლისურ ენაზეც დავდო ხოლმე, რასაც დღეიდან მოყოლებული აუცილებლად გავითვალისწინებ.

Recently I found out an amazing news that my blog has non-Georgian readers as well. This is truly awesome. Folks, I took in account your requests, therefore starting from today I will include some information about events in Tbilisi in English too.

Actually, if you want to go out fairly early and not to wait for the night, you can visit Canudos, which is on Elbakidze street (near Metro Rustaveli). They are preparing a theme party dedicated to 1st September. If you dress in a school uniform, you will get a free shot of Vodka, besides the cocktails will be less than the regular price. However, at the same time, be prepared to listen to 80s and 90s music, a lot of Britney, Boyzone, Whitney and probably much more.

Already from 8 p.m. DJ iKost will be playing in Bar Laboratorium. He is quite a nice pal and has good remixes. Have been listening to them the whole morning on Soundcloud, so I would definitely recommend this event in case you are not seeking for big clubs and a lot of people, because you will find neither at this place.

Georgian DJ with a German nickname - Stimmhalt will play at "DIVAN" on Tabidze Street. He is not a frequent event-maker and is not a resident of any club in Tbilisi, therefore you can use this chance to see him play tonight from 11 p.m.

And finally, the most popular cafe-gallery so far offers a dj set by Sikha and Vako T. Both are quite popular, have nice remixes and what is more, usually there are the most electro-lovers at this location.

Please let me know if you have any questions or comments.

Have FUN!

WE ARE BACK! ზაფხულის ბოლო დღე თბილისში

ერთ-თვიანი პაუზის (ან თუ გინდა დავარქმევ სიზარმაცეს, დასვენებას, არდადეგებს) შემდეგ საბოლოოდ აღვსდექი და მზად ვარ ინფორმატორობა კვლავ შევითავსო, მითუმეტეს რომ მიმკვდარებული აგვისტოს მერე თბილისი როგორც იქნა ხალხით შეივსო, გამოცოცხლდა და შესაბამისად დღეს საღამოს/ღამე ე.წ. სეზონის გახსნა გველის.


აბა მოვემზადეთ!


პირველ რიგში უფრო მასშტაბურ ივენთს გამოვყოფდი, რომელიც 6 საათზე სკეიტ პარკში დაიწყება. ცოტა სკეპტიკურად აღვიქვამ ამ დროს იმიტომ, რომ ორგანიზატორების და თვითონ დიჯეების გარდა ამ დროს არასდროს არავინ არის ხოლმე დანიშნულების ადგილზე. მიუხედავად ამისა, ივენთის ვოლზე ირწმუნებიან ზუსტად დროზე დაიწყებაო. ნუ თუ სხვა საქმე არ გაქვთ, რატომაც არა. რაც ადრე და რაც მეტი, მით უკეთესი. რაც შეეხება ლაინ-აფს, თემატურად ახლოსმდგომი ადამიანები დაუკრავენ: ტომასი, ლაშა კრაფტი, Solar Eclipse, Forest, Stimmhalt. დასრულების დრო არსად მითითებული არაა, თუმცა თუ იმას გავითვალისწინებთ რომ აფთერ-ფართი არის "დივანში" და იწყება 11 საათზე, ესეიგი სკეიტ პარკში ყველაფერი 10 საათისთვის დამთავრდება. ვისაც არ ეყოფა მუსიკის დოზა, უკვე კლუბურ გარემოში შეგიძლიათ მოუსმინოთ ტომასს და სოლარ ეკლიპსს.


ვინაიდან "დივანი" ვახსენე, აქვე ავღნიშნავ კიდევ ერთ ივენთს, რომელიც აქ 9-ის ნახევარზე დაიწყება. ეს იქნება ვიკეას და ოთოს დუეტი. რამდენადაც მსმენია, ვიკეა საკმაოდ ნიჭიერი შემსრულებელია, თუმცა როგორც ვხვდები იმდენად არ იქნება ორიგინალი სიმღერები, რამდენადაც ქავერები. ჯაზი, ალტერნატივა და საინტერესო ინტერპრეტაცია - აი ეს დაგხვდებათ წესით მათ ივენთზე.


გახსოვთ "პაპრიკა" ლერმონტოვის ქუჩაზე? (პურ-პურთან). ახლა იქ ბარ ლაბორატორიუმი ფუნქციონირებს. მართალია სულაც არ არის თითქოს საკლუბო გარემო, მაგრამ იმდენად მომწონს მისი აურა, რომ სიამოვნებით წავიდოდი დღეს ბაჩოს და სიხას სეტზე. დიახ, ეს დუო სწორედ კაფე გალერეას რეზიდენტები არიან. სიხა აგვისტოში ბათუმის ბევრ ივენთზე შემომხვდა და არასდროს გაუცრუებია იმედი, ბაჩოს და მისი ტანდემიც ენერგიულია და 8 საათზე იწყება.


კაფე-გალერეაც გამოცოცხლდა და დღეს ისევდაისევ ბაჩო და თომა აღმოჩნდებიან მიქშერთან 12-ის ნახევრიდან.



ვეჭვობ საკმაოდ ბევრს დააინტერესებს ბოლო და გემრიელ ლუკმად შემოტოვებული ივენთი - მთაწმინდის პარკში 10 საათიდან ღამის 2-მდე Greenbeam&Leon დაუკრავენ. 


მუსიკალური მხრივ დამეთანხმებით საკმაოდ ნორმალური არჩევანია.
რაც შეეხება, კინომოყვარულებს, კინო სახლმა განაახლა ფილმების ჩვენება და 6 საათზე მხოლოდ ერთ ლარად შეგიძლიათ იხილოთ კიმ კიდუკის "ცუდი ბიჭი" (ნეტა არსებობს "კარგი ბიჭის" ცნება სადმე)?


ჰევ ფან და გააპარასკევეთ ბოლომდე.

good sunday, lazy sunday

კვირა დღეზე ზარმაცი დღე არის ნეტა სადმე? აი რაღაც თავისებური დღეა. კვირა დილით რომ ვიღვიძებ უკვე სხვანაირ ხასიათზე ვარ, განსხვავებული რაღაცეები მინდება (მაგალითად ყავის დალევა და ვაფლის მიყოლება მაშინ როცა სხვა დღეებში ყავას არაფერს ვაყოლებ, ეს ერთ-ერთი მარტივი ილუსტრირებაა). დღევანდელი დღეც არაა გამონაკლისი თუ იმასაც აღვნიშნავთ რომ ქარიანი და ღრუბლიანი დღეა.

და მაინც, დღესაც არის გართობის შანსები თბილისში. მათ შორის Roof Sundayz, ამჯერად მეორე ნაწილი, ლოკაცია უცვლელია - "კრუიზის" გემბანი. არ დავმალავ და შარშან როდესაც ამ პროექტს ჩაეყარა საფუძველი ძალიან დიდი მოლოდინი მქონდა და ყოველ შემდგომ ივენთს მოუთმენლად ველოდი. მართალია შარშანაც ბევრჯერ ჩატარდა კრუიზში, მაგრამ კიდევ სამი სხვა სახურავიც გამოვიცვალეთ. წელს ორგანიზატორები შეიცვალნენ, ბოლო დღემდე ისე ასაიდუმლოებენ ადგილმდებარეობას გეგონება რაღაც ფურორი უნდა მოახდინონ და ბოლოსწინა დღეს ირკვევა რომ მთელი მისტიკა იმაში მდგომარეობდა რომ არც არაფერი შეცლილა და ივენთი კვლავ რესტორნის სახურავზეა. გარდა ამისა, ლაინ-აფს ვერსად მივაგენი, ვერც წინაზე, ვერც ამ ჯერზე. სამწუხაროა, რომ ხანდახან რაც სიურპრიზად არის გათვალისწინებული, მორიგი ბანალურობა აღმოჩნდება ხოლმე. ვინც დადიხართ "Roof"-ზე, მოგწონთ და ერთობით, იქნებ დაწეროთ კონკრეტულად რა მოგწონთ. მე პირადად გული მწყდება რომ აღარ მაქვს სურვილი ამ ივენთის სერიებზე სიარულის.

საკმაოდ დიდი ხანია ამზადებენ კიდევ ერთ ივენთს, რომელიც საბოლოოდ დღეს ჩატარდება. ეს არის SUNDAY'Z FIESTA WEEKEND კუს ტბაზე. შესვლა აქაც მოსაწვევებითაა. წინა ივენთისგან განსხვავებით ლაინ-აფი მაინც დევს ფეიჯზე, სადაც ნაცნობ სახელებს წავაწყდი - Ujin Ray, Vako K, Bero. ივენთი 5 საათზე დაიწყება და სავარაუდოდ წვიმის ფონზე ჩაივლის, თუმცა ვნახოთ, ვნახოთ.
UPDATE: ეს ივენთი წვიმის გამო გადაიდო და სავარაუდოდ 5-6 ივლისს ჩატარდება.

მოგვიანებით, შარდენზე, სტუდიო 11-ში უკვე Lenny დაუკრავს (Black Brothers თუ გახსოვთ, სწორად იმ "შაიკიდანაა") ვინმე Saniel Beku-სთან ერთად. დღეს მოვუსმინე მის ძველ სეტებს და პრინციპში ცეკვა შესაძლებელი იქნება, უპრობლემოდ და დაუძალებლად. 

და იმედია დამეთანხმება ყველა რომ დღის მთავარი მოვლენა ევრო 2012-ის ფინალი იქნება, რომელსაც მე მგონი ყველა (თითქმის) კლუბი, ბარი, კაფე, ეკრანი, სარკე თუ მინდა აირეკლავს. მათ შორის ალბათ ყველაზე დიდი ხალხმრავლობა თბილისი ივენთ ჰოლში იქნება, ასევე "ვიტამინი" გვთავაზობს დიჯეი სეტს თამაშამდე. ტაბიძის ქუჩაზე BEDLOUNGE TBILISI-ში შეგიძლიათ შეიაროთ, სადაც პლიუსი ისაა, რომ არადეპოზიტური მაგიდები იქნება, თუმცა ეჭვი მაქვს ძალიან ბევრი ლუდი დაილევა. და ბევრი რომ აღარ გავაგრძელო, კიდევ ერთს ავღნიშნავ - "დივანში" თქვენთან ერთად ფინალს ნიკა ქავთარაძე უყურებს და ალბათ სასიამოვნო+სასარგებლო საღამო შედგება.

ხედავთ რამხელა არჩევანია? ეძახე ამას ზარმაცი.

რა ნათელი მზეა იმიტომ რომ დღეს.. პარასკევია

მორიგი პარასკევი! და ამით ყველაფერი ნათქვამი იქნებოდა რომ არა რამდენიმე არსებული ფაქტი:

1. კიდევ უფრო ცხელა ვიდრე გუშინ

2. პირველი პუნქტიდან გამომდინარე ვერ გამოვიძინე

3. დიდად არაფერს ველოდები დღევანდელი საღამოსგან

დღევანდელი დღის ყველაზე გემრიელი ღონისძიება მაგნიტურად მიზიდავს, ვგულისხმობ ნამცხვრების წიგნის პრეზენტაციას, რომელიც ლიტერატურულ კაფეში გაიმართება, ბამბის რიგში (მგონი ერთადერთი ლიტ.კაფეა რომელიც გამომრჩა მხედველობიდან). მსურველები იქვე მოამზადებენ სასურველ ნამცხვრებსო და აი ამან მომხიბლა განსაკუთრებით. მე კი ვაღიარებ და მჯერა, რომ მამაკაცები უკეთესი კულინარები არიან ვიდრე ქალები, მაგრამ ალბათ ყველა ქალში დევს ის "მარცვალი" რომელიც ცხობას, კრემებს და ტარტებს უკავშირდება.

არა, რომ დავფიქრდე, პარასკევს საღამოს ოფისიდან რომ გამოვალ ყველაზე ნაკლებად მაინც ნამცხვრის მომზადება მომინდება. შემდეგ თვალში მომხვდა რაღაც Blues Brothers თემატური ღონისძიება, თუ ივენთი თუ რაღაც მსგავსი, რომლის აღწერაშიც არც ადგილია მითითებული, არც ლაინ-აფი. უკაცრავად, მაგრამ ბლუზ-ძმები რომ არ ჩამოვლენ ეს ცხადზე ცხადია, იქნებ უფრო დაკონკრეტდეთ? შეიძლება ეს რაღაც კოდური სახელია და მხოლოდ მათთვის არის განკუთვნილი ვინც იცის და ხვდება თუ სად არის მისტიკური Q (გამოვირიცხე, G-მდე დაახლოებით ვხვდები, მაგრამ Q - ვერ). 

ან ეს "კამი" კლუბი სადაა? ყველანაირი ჰაუსი იქნებაო, გვპირდება აღწერა, მაგრამ აქაც გაურკვეველია ვინმე დაუკრავს, თუ როგორც არცთუ იშვიათად ხდება, ლეპტოპს მიუშვებენ თავის ნებაზე და ავტომატური გადართვის სისტემით ისარგებლებენ.

შემდეგ ცოტა უფრო საინტერესოა ორი ღონისძიება "დივანში". ერთ-ერთი მოვიხსენიე ჩემს წინა პოსტში, პროექტი - Stare at DJ, რომელსაც კარგი ადამიანები აკეთებენ და სადაც ისეთი "ძიჯეები" უკრავენ სხვა კაფე-კლუბებში რომ არ რეზიდენტობენ კვირაში ორჯერ (ხან სამჯერ, ოთხჯერ, შვიდჯერ), ამით არის საინტერესო ივენთი, თუმცა აი მაინც ეს ლაივ სთრიმი! ნოუ! ვერ შევძლებ პარასკევ საღამოს ისევ ლეპტოპთან ვიჯდე და ცუდი ხარისხის სთრიმს ვუყურო (დავიჯერო მარტო ჩემთან უჩვენებდა წინაზე კატასტროფულად?!). მეორე ივენთი "დივანის" ლაუნჯშია და ნიკა წერეთელი დაუკრავს. ძალიან დიდი ხანია ეს სახელი მესმის, ჩემი მეგობრებისგან, საერთო წრეში, მოსმენით კი მგონი სულ ერთხელ მოვუსმინე, ალბათ 6 წლის წინ, მაგრამ "lounch" პროგრამა, ეს რამე ახალია? ალბათ lounge-ს გულისხმობენ, თორემ მეორე მსგავსი სიტყვაა "lunch" ხოლო ლანჩის პროგრამა ღამის 11 საათიდან საკმაოდ აბსტრაქტულად ჟღერს.

და აბა რა დამრჩა? რომელი გემრიელი ლუკმა შემოვინახე ბოლოსთვის? რათქმაუნდა კაფე-გალერეა და გიო შენგელია და მე მგონი აქ ზედმეტი კომენტარი საჭირო აღარაა. აქ ხომ ყველაფერი ზედმეტად "მოსალოდნელია".

უიქენდის ინფოს ცოტა ხანში მოგაწვდით. ეს კი პარასკევსაღამოსთვის:

Uploaded with ImageShack.us

რა სიამოვნებები ხდება "დივანში"

დღევანდელ საღამოს მეგონა სახლში გავატარებდი, მაგრამ ნურას უკაცრავად, "დივანში" აღმოვჩნდი. სხვათაშორის, ჩემს ერთ-ერთ წინა პოსტში ნახსენები მაქვს, მაგრამ მისვლა აქამდე ვერ მოვახერხე (ვერც გახსნაზე, ვერც რომელიმე ივენთზე!). დღეს კი მეგობრული შეკრება ტაბიძეზე გადავწყვიტეთ და არჩევანიც სწორედ ამ ადგილზე შევაჩერეთ.

მოკლედ რომ ვთქვა, მე მგონი ერთ-ერთი საუკეთესო ადგილია თბილისში..ჯერ-ჯერობით..დაწყებული ინტერიერით, დამთავრებული სერვისით. კერძოდ, კარები რომ შევაღე, პირველ რიგში მესიამოვნა რომ თბილისის დახუთულ ქუჩებს თავი დავაღწიე, ვერ ვიტყვი რომ ძალიან გრილოდა, მაგრამ ყველაფერი ხომ შედარებითია. 

მომეწონა ინტერიერი, ცოტათი "ლიტერატურული კაფის" შთაბეჭდილებას ტოვებს, მაგრამ უფრო დახვეწილია, უფრო დიდი სივრცეა და თან ისეთია რომ მარტოც არ მოგერიდება დაჯდომა, მიიტან ლეპტოპს, მოწრუპავ ლუდს ან ცივ ყავას და მშვიდად, შენთვის იქნები. მე მხოლოდ ყავა გავსინჯე ამ ჯერზე, თუმცა ჩემმა მეგობრებმა ჩიზქეიქი დააგემოვნეს და... გამოიყურებოდა გადასარევად! მარწყვი ჩიზქეიქი მარწყვისვე სიროფში, წარმოიდგინეთ, მნიამ..თუმცა გემოთი აღფრთოვანებული ვერ დარჩნენ, შესაძლოა მე მომწონებოდა, მაგრამ ფაქტია, რომ ერთადერთი რაც დღეს საღამოს დაწუნებულ "შავ" სიაში მოხვდა სწორედ ეს მ ა ვ ა ნ ი ნამცხვარი იყო..ხო, კიდევ, ცივი ყავა ნაყინით ძალიან ტკბილი აღმოჩნდა. არა, კი კარგია, რომ შაქარი არ გენანებათ, მაგრამ ამდენიც არ შეიძლება (აქ სმაილი მინდა იყოს, მაგრამ პირობა დავდე რომ პოსტებს სმაილების და ყოველგვარი ემოტიკონების გარეშე დავწერ, ამიტომ სმაილი მხოლოდ იგულისხმება).

კიდევ ერთი ჩავარდნა იყო მუსიკა, ეს რა იყო საერთოდ? არა, მესმის რომ სხვა მსგავსი ადგილებისგან განსხვავებული ფლეილისტი უნდა გქონდეთ , მაგრამ ჩამოგვეძინა კინაღამ და ცოტა რომ გაამრავალფეროვნოთ არ უნდა იყოს ურიგო

სერვისი! ძალიან მნიშვნელოვანია! ვინაიდან მაგიდასთან სამი მწეველი ვისხედით, თუნდაც საფერფლის შეცვლა სასიცოცხლო მნიშვნელობის იყო, მიმტანებიც არ აყოვნებდნენ და ძალიან ოპერატიულად გვემსახურებოდნენ, თან მეგობრულები და ღიმილიანები იყვნენ, ასე რომ ათიანი ამაში, სუპერ!

ერთი სიტყვით, შაბათს განსაკუთრებით ველი, ვინაიდან დიდი ამბები მოხდება ეჭვი მაქვს, თუმცა ამაზე ცალკე პრევიუში გავაგრძელებ სჯობს.

რახან ჩიზქეეიქი ვახსენე, ეს უფრო აპეტიტურად გამოიყურება